FC2ブログ

ID-S抽飛

522592_10151304923599761_1232207032_n.jpg

好緊張!
世界不要末日!

我要2013去搵シド!

簽證一事和台灣近距離見到佢地已經令我覺得自己的RP快用完
但RP頂住呀!!
仲有1年要靠你幫我:DDD

我都要開始存好心 做好事~~~~
スポンサーサイト



SID M&W LIVE TOUR EXTRA 台灣 DAY 2

打鐵要趁熱,繼續Copy & paste + edit面書的文字~~~\(^o^)/

---------------------------------

經過尋日的「洗禮」,就知道休息的重要。
所以早上行完西門町,就返HOSTEL休息了!(呀,蔥抓餅好好食!再飲珍珠奶茶,飽到嘔!XDDD)

今日係シド台灣演唱會第二日。序號係510,尋日係87,點睇都應該相差好遠啦?不過,最神奇的是,我被擠下推下迫下,竟然同尋日差不多?!見我仲中到「聖水」就知距離勁近!
先要提既係,今日排我後面既又係廣東話人,搭訕又成功了!
不過佢地今日企SHINJI果邊(尋日識既香港女仔都係打算DAY2就企SHINJI)

其實入場前我有掙扎過企樓上定下面呢?因為今日係5百幾喎。。。最後都係決定樓下!證明我既決定是正確的!\(^o^)/
開始繼續推推撞撞,被踩腳趾尾,痛成我。。。_| ̄|○
其實唱過咩歌我又真係唔太記得,但終於聽到live版歌姫!想睇好耐!
mao講自己屋企既maro貓,又講下yuya隻choco,但明希都有小銀同neru,沒有人理。。。(´・_・`)
話mao係中文好似貓既發音,叫大家叫佢mao(貓?XDD)
又問大家狗點讀,但讀左好多次都失敗!見到明希都悄悄地係度練XDD

講自己食過既台灣食物,已經忘記了有什麼,然後到明希時,佢講小籠包,然後MAO有重覆重點性地講下步驟,明希又跟住講,結果變態前輩又諗起啲エロ野。。。(´・_・`)明希笑。

明希有舔mao耳仔定右邊面?總之我激動死左!

又唔記得係邊首歌,mao狂錫shinji囉!!shinji你還好嗎?我肯定變態係忘記歌詞!


尋日話明希聖水中左我隻手,今日如願了!(≧∇≦)今次我就真係睇準機會既XDD因為我既距離同位置一定被噴到!V(^_^)V

其實我都好high咁不停跳,識得做furi就做!舉到隻手已經強烈地痛,但佢地一望過黎又繼續努力地舉!我甘心為愛而殘廢幾日,幾日好喇!
不停叫,又叫到走音!

因為距離真係近,我又有種同佢地對視的感覺!!

yuya真係睇唔到。。。最記得佢咩住mao。

aki撒pick好似天女撒花!呢個人點解咁靚???!

呀。。。話說encore剛出來時,本來yuya係第1個,大家都叫佢,可惜後面來了一個本身著得少,但仲要打開自己件衫既暴露狂,大家都勁叫aki,yuya都扮學aki打開衫,過佢果件係t-shirt黎咋XDD

2晚都好激動好開心!!!
走時同4個巧合係台灣相遇既シド飯一齊影相,食BURGER KING慶功(?)
(1117兩個,1118又兩個,重點係佢地原來自己都識得XDDD,世界真細小!)

540131_10151266492614761_1005433924_n.jpg
要睇下間HOSTEL既毒蚊有幾毒....又癢又痛...

263558_4574871901487_1886883399_n.jpg
MAO用自己部機幫我地影既!
我好努力咁舉手!!

399271_10151287948204761_36514355_n.jpg
最後係大石社長既面書裡發現自己!XDDDDD

SID M&W LIVE TOUR EXTRA 台灣 DAY 1

正接從面書搬到這裡:P
(再加少少修改)
2012年11月17日

可能心情太興奮同緊張,本身打算早點睡覺,結果都係訓唔著。
加上同房有2個女仔第2日離開,執行李搞左好耐...而且俾蚊咬左我一晚...唉||||
難頂啦...!
不過心情都係好愉快:)))

為左接佢地機,加上訓唔著,9點3左右到機場。
開始時都唔算多人,我考慮緊企邊個位好,都估到自己係會被迫返出黎果堆人,我都冇諗過要企好前好前
求其搵個應該見到佢地既位置,就呆呆地企左係度。
還好松山機場有wifi,不停上網更新照片

558768_10151264227384761_2015801419_n.jpg

現場所見,其實開頭真係唔算多人
但lolita比我想像中多


等到10點9左右終於出來,我就趕快拍左片!
係佢地出黎前,其實好多下假既呼叫聲XDDD
我旁邊既台灣女仔好好笑地同佢既朋友吐糟XDD
大家的心臟都強得很

295807_10151264337674761_943233168_n.jpg
↑這是我用盡吃奶的力企高先ZOOM到埋去影既相!!!!
明希好鬼黑!!XDDD

佢地企左係度好耐做訪問,之後MAO有向我地揮手!!!

我激動地郁左郁相機,該死地拍唔到果刻:PPP


松山機場太細,佢地話咁快就行左出去搭專車了...

而我就冇地方好去,心諗不如直接去啦,睇下咩環境都好。
結果食完LUNCH,1點幾到左!
hea行左一陣,加上落狗屎,其實我後悔沒有回旅館訓覺!

之後排goods的時候認識了一個台灣飯,佢好好咁帶我去101觀光!
年紀好細個,但佢真係好熱心:))

然後返會場又識多幾個台飯。

呢日真係凍得很...16度,但我的衣服是2X度穿的...多到痴左線||||

呢日我既序號係87!100號以內啊!!! (雖然係黃牛票:P)
排隊的時候,聽到後面2個女仔講廣東話,感覺勁親切,又搭訕了!從此就認識了,仲一齊企XDD

其實唱咩歌我都唔係好記得。
開頭係唱ゴナゴナ、後面既人開始迫上來。情況真係好混亂,我忍唔住嗌救命XDD

冇諗過係癲到聽歌都難,只係拚命地諗點先唔會俾人推,俾人批爭,俾人扯頭髮同俾人踏。
本身我同2位同鄉係企aki果邊,迫迫下近mao多左,但睇yuya shiji有難度!
被迫到一副要死的樣子,mao絕對見到我地有幾頹!
就係我同2個女仔被擠到面容扭曲時,同MAO四目相投!!!!


頂丫,我果時個樣一定勁樣衰XDDD


係我以為差唔多應該停下,俾我聽下慢歌俾我休息下時,竟然唱S!!!!當我地前世未被人S過XDDD
超辛苦!

之後為左去返aki果邊,我被擠後了2行左右。
一直微笑著,好可愛!紋身乳環唇環睇得勁清楚!連佢啲汗我都睇到!我同佢俾手勢佢都望到!(心)
拎支bass俾人摸,令我諗左啲衰野XD

係咁舔自己膊頭,再將已經開胸既衫再打開,不停飛吻!嗚呀,我要死了!!

食晒mao的「聖水」!aki既中左右手!
shinji件藍色裇衫出晒汗,近睇真人好池!!

yuya太少機會看到,暫時沒有感想。


成晚都好攰! 尤其我真係企足一日...
全身出晒汗濕晒,激動到BRA帶都跌膊XDDD

同2個香港女仔一齊等佢地專車出來,可惜我地應該係企左方向,窗口冇打開=口=

本当に素晴らしくて激しい夜だったね

410シドday!

認真不得了....keep住呢份熱情快燃燒足1年了!

每次睇佢地出news都好興奮不已
完全係好似10代果時迷戀阿風果種感覺

5月連發的2隻single
其中連S的封面都出了
照片太吸引.........媳婦啊.....(我立馬中箭倒地)
妖豔美回來了!

sid_pro.jpg

比起其餘3人,S裡的媳婦太女型!
POSE還是氣場
整個都好像發騷的女王

累了 睡覺去

媳婦生日快樂!!!!!!!!!!

2月3日
我最愛的bass手
御惠明希
生日快樂

(內容爆點甚麼的後打,我現在很累...)
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR