FC2ブログ

做到想哭T口T

清完一份又一份
其實份FINAL已經接近尾聲, 大部份的動作已set好key
現在是修改階段

動畫師不易當
將來也不會選擇做animation
除非想自殺

不說了

盡快ko佢
要溫書了
星期日殺到黎
我都打算這星期推一推補習
スポンサーサイト



其實我一直都有吃東西

其實我
一直都有吃東西
一直都有好好睡覺

但每次趕功課時就會失控
然後俾屋企人話

雖然 一旦忙起上來
我真的會不想吃東西(然後胃痛)
還有狂飲咖啡提神

總覺得假如不把自己迫到這地步
做出來的東西無論怎樣也還是有大量改善空間

當然 就算把自己迫成這樣子
做出來的還是很想繼續改
只是時間不允許
而我又已經把自己弄得這樣子,良心上過到關而已


所以吶 畫了兩天
我覺得是時候收手了

所以吶 我喜歡考試多於做ASSIGNMENT就是這樣子
考試考完就真的完結
功課嘛, 心理病會令我迫使自己做到最後一刻

我已經搞不清到底應該該樣分類(煩)

這個學期TAKE了BU的watercolor當elective修讀

嗯...其實我比較怕畫水性顏料
大概是因為小學時的不愉快回憶:

是說 當年小五還是小六才開始用廣告彩
畫完鉛筆稿後打算上色
嗯 點知越來越......
顏料一直化開, 不受控制
然後某同學一個不小心倒了一杯水過來

再見喇我的畫

我還為它名命為《染血的xxx》
因為上面是滿滿化開的紅色


所以我討厭廣告彩
雖然是水性, 但卻一點透明度都沒有!


所以我也有點怕用水彩
還好水彩真的因為水的關係
透明度好高, 而且紙質較好, 還可以用水洗掉畫錯的地方
(平時畫油性畫, 塑膠彩/油畫我都是一塊一塊蓋上去, 所以不太擔心畫錯的問題)

嗯 雖然那老師沒怎樣教 我覺得自己完全是自學
但畫得也愉快(只要功課不是那麼多的話)



這是第一份功課(那個畫彩虹就算吧...我不認同那是assignment...= =|||)
這是臨摹作品, 也畫了一整天
不斷試色已經花了很多時間, 然後畫錯又洗又補, 上面不知補了多少次色

現在準備明天的final assignment
沒甚麼特別
只是看見藝妓覺得她很漂亮就畫下來而已

出了?!

說的是eva同人, カオルXシンジ
在無聲無息(?)下出了???



噢!!!!!!!
這對CP是開啟的華麗(?)的腐人生的一個契機
畫得超似原作耆! 對於這點我個人是激讚!


點先可以入手?? いや
應該說身在日本以外的我有入手的可能嗎? 假如人不在日本又冇人冇物在日本orz||||

吶..
上次到福岡本是打算買第一本no?


結果品切!


打算今晚內跟eddie份maya 講再見
結果卻熱血(?)地找這些.....沒救orz

近期淚線有點問題

幅藝妓畫完成了50%以上
不過...臉蛋那裡還是覺得可以再執
然後背景跟props都未畫完
還有明天

因為我會畫到最後一刻
所以還是現在動手把maya完成去吧(未計fine tune的完成)

然後也有溫書

也有睡午覺

也有睇滑頭鬼...

看! 只要不用外出(eg:上學...上班...補習)
死線接近時還是能把工作好好做

早上造了個惡夢
醒後嚇得心臟還在猛烈跳動

那到底是甚麼?

就是我夢見自己考日能遲到
離考試時間還有5分鐘我還在老遠的地方

因為來年有太多未知數
而且又已經浪費了一筆錢
所以想盡快考到
然後拿回1萬元!

繼續花痴二代

二代的軍服出場後
立即秒殺無數滑頭鬼書迷

之前爺爺奶奶篇令滑頭鬼的人氣推高了
我也被爺爺秒殺了orz
爺爺年輕時太型喇!


下圖是爺爺,媳婦與孫子的圖(?)



嗯 也許之前都有提過

哥畫的男角色確實是少年漫少有的美形
而且毛筆畫甚佳
有時為甚麼動畫無法表現漫畫裡的氣勢
多半是因為沒有那些毛筆的筆stroke

論劇情跟畫風
確實不似是少年jump的作品

假如有睇《爆漫》,大約會知少年jump的運作方式
每回都會有讀者調查
順位一旦連續幾回都排最尾
就要面臨被腰斬的危機

這幾回滑頭鬼確實有危險

之前留意開的d-gray man似乎就是因為這而沒有繼續在jump上連載, 轉而到集英社旗下的赤丸jump上繼續

加油啊哥,不要再出現狗血劇情喇!
第133回實在GJ! 給你一個讚字
未試過看滑頭鬼被感動的

二代目你好銷魂啊!

本身純粹想上百度貼吧看看有甚麼八掛消息
結果等到133話新鮮出爐

至今為止二代目一直都很神秘
因為一早已死
直到10x話開始才有背影看到...(無錯...是背影, 好像是無頭鬼的回憶甚麼的, 才出現)

然後到爺爺奶奶篇就有小嬰兒時期的樣子


近期 二代目的樣子開始出現多了
而這期...

軍服誘惑(誤)

教我情何以堪




另外 二代目跟山吹正室的故事雖然短, 但我覺得已經夠感人!
陸生要為你爸爸跟大媽報仇啊! 殺死晴明這混球!

然後開始疑惑莫非陸生親母只是二代目為了延續滑頭鬼血統而娶的嗎?
(出場次數跟路人沒分別)

嫌いな

まさか 俺の生活は宿題のばかりなのか
いや それは絶対承認しない

でも 毎日しなきゃ。。。悲しい俺が

旅行したいなぁ
12月の旅を待ち望んでる


以上です。

我的PTH有夠爛

あのね...

為某公司進行普通話錄音竟然錄了4小時
舌頭都快講到打結
幫我錄音那位小姐人很好
不斷鼓勵我繼續講
好像普通話老師一樣一直在糾正我的發音
這時我才知道一直說開的口音原來大有問題
像是上了4小時普通話課一樣
連補習都推了
一來因為不想再來多次
二來已經很累

聽得出家長不滿意
但就算吧啦
我都極少可臨時甩底 讓我一次吧




以前做功課畫的圖
想讓blog多一點圖
但到底是我的問題還是甚麼, 為甚麼按了upload也沒反應呢?





繼續爆肝

是說昨晚打算12時多睡覺
結果不知搞甚麼, 後看小說, 結果4時多才去睡
真杯具!

目前animate到4xx格
total要720格, 其實我預自己會做多少少, 之後剪下呢度補下果度補下咁囉

希望呢個星期做完
之後可以真係fine tune同做其他野

眼訓呀

無力

人々良心がある中国人は罪が負う
それなら 誰か出ようにも結局出ようがない

政治なんで 俺にはぜんぜんわかんない
それに、わかりたくない

むり
悲しい
怒り

っていっても
俺には何でもできない
その感じ 嫌だ

----------------------


曾經讀過一篇文章,由一位日本經濟學家所寫
說人的欲望是無止境的
當你達到一個目的後又會想達另一個目標

而目標大抵分為2種:
為私
為公

為私的, 可以清晰訂下實行的程序
為公的, 就較難, 人如何可以都會想為私多於為公

但可惜的是
為私的, 達成後的快樂並不持久, 所以才需要尋找下一個目標來維持滿足感
為公的, 達成後,除了因成功感而滿足外, 陸續得到別人的感謝會使這份滿足感和快樂長久

然後有一大堆理論但我忘了

重點是
要推動社會經濟長
人要好好在這2者中取得平衡
例如, 如何理用為私的結果去達成為公

忙到忘了記下1118

首先1118祝涼平仔你生日快樂!
雖然我已經不像中學時代般瘋狂迷戀你
但我認為這是細水長流的感情
昇華了, 哈哈
26歲的叔叔, 往後繼續好好加油啊!


又記回我的事
忙翻天
今日同VAN仔數完assignmentsssss
越數越傷心

明天又要回去做
其實我可以在家做
不過對自己部電腦好d, 我唔想犧牲部機姐, 咁咪犧牲我個人囉
成個早上都係補習, 然後就趕assignmentsssss
仲有幾多個s先至做完呢?

雖然依家真係唔洗通頂
但捱夜是少不免

如果話上年係超忙
今年我只不過係做返一個正常程度忙既學生, 其實真係唔係得


辛苦得耐 友人今日都有問我出黎想搵工
我即時話為健康著想, 真係要避一避開animation先
我唔介意繼續用maya build下model或者做d平面設計(如果有人請, 因為我只係個凡人, 係老闆揀我一定唔係我揀人)
但唔好再整animation, 超辛苦...|||| 成個人身體機能差晒

見到朋友返學返得唔開心
如果係我, 應該好快quit, 因為讀書時已經成日想轉
既然唔鍾意 點解要迫自己對住佢呢?
我指, 有時係...有d野唔可以太快放棄, 要有d堅持係正確既
唔可以隨便因為唔鍾意就唔做都係正確既
要認清現實都係正確既

只不過, 打份工姐, 做到成隻狗咁人工又唔高自己又唔鍾意又唔係專長又唔係興趣仲要成人俾人鬧福利又冇喎

咁你話? 係咪應該拿拿林quit左去搵另一份先!
俾著我一定即炒老闆魷魚!


大佬 接幾單補習呢d錢都搵返返黎啦係咪先
而且我又唔係好見到有前途同錢途, 當冇前時梗係睇錢先啦

所以呢, 唔洗唔開心架=]

我依家都好努力搵錢去grad trip同埋work holiday

其實我不懂FC如何上載照片

哎呀 分類開始令我有點不知所措

再其實 我真的不懂用FC2, 有誰能告訴我如何上載照片嗎?
明明按了UPLOAD但好像甚麼動靜也沒有囧
頂 其實我同資訊唔係朋友

哎呀呀 唔想動手做功課住
想睇呢樣果樣咁
拿 一有親野做就係咁屎忽痕

趁仲有青春 真係快D睇清楚呢個世界
見識一下唔同地方既文化

短期內梗係做好FYP先, 考到N1先(真係咪講笑再FAIL我就撞豆腐死),考埋IELTS同埋CE(冇錯真係CE!我玩野)
搵到夠錢
就帶住筆錢出走香港, 哇~~~好浪漫, 哈哈!!XD

所以,我決定玩完學校study tour, 即刻玩wwoff
然後9月/10月返黎搵工+行畢業禮, 做1年野再join working holiday!係時候展開人生的旅程喇!
完全被畢業人的情緒影響到我都好似自己畢業咁


嗯 其實我都想建立事業
但有事業通常都=冇健康
struggling...
我認我會為事業而放棄健康, 所以唔敢諗太多住
驚死左之後先出名XDDD00

睡昏了

堂上到8點半令人十分疲累
3個鐘後又3個鐘, 攰到你無法集中
所以去到後期我都沒有動手去做
發空...
上埋下星期課就全都完結, 很好! 因為我很累了...

呢期係畢竟季節
見到個個著晒畢竟袍戴四方帽咁, 好正!
入u果年見到都開始研究自己係顏色
嗯 原來係藍色~~~
如果穩守到gpa,如無意外就係1st hon畢業
當然, fyp一pk,或暫冇一科特別勁去拉分, 就會second up了
我是邊緣人呀=w=

如果冇1st hon畢竟 就自己去拎條帶扮1st hon影相啦XDDD

下年就畢業
畢業後做呢?
想去working holiday
想去wwoof

依家 真係考慮緊讀唔讀master
中大文化研究 有點想攻讀呢=P
但要諗返..花十X萬去讀MASTER, 有冇用呢?

返工的確係唔想咁快住
唔想咁快俾一樣野綁死

作為第一份工拎經驗
我唔打算太認真搵大公司
細細地workload可以afford到人工又夠用已經可以

人生大計嘛
係咪要set一下呢?

1. 25歲前點都去一次working holiday
2. 同樣啦, 25歲前點都玩一次wwoof
3. 我要買樓.......(講完連我都覺得無力)
4. ......草定筆養老基金, 如果臨老冇錢用我會自殺先

HEA到9點我就開工喇

報告
真的成功了
哈哈 3份補習在手了...!orz
聞說是有錢人, 我就要見識一下到底有錢人到底可以幾浮誇!

剛剛合指一算
如果瘋狂地一星期七日都補.....真的好可觀(收入)

在健康與收入, 功課之間要找個平衡點, 嗯


另外 因為興趣班那裡的小朋友(部份)真的很乖!!
我決定會為左佢地打一打電話叫賤公司加錢
50蚊一堂15人點解用呀???
真係想叫佢買俾我睇下
同20蚊工資有分別??!!


到底有幾乖
有D真係會大讓細
照顧左D細既先, 最後先到自己用
有D會因為有同學唔係度, 而留一份俾佢
你話, 係咪好乖??!!

比主流學校既更乖!!!

我會忙死嗎?

假如友人介紹成功
將會有3份補習握在手
其中2份幾乎天天都要去
外加一份12月中會完結的興趣班

不過 收入這樣看就很可觀
1個月內可以把旅費都賺回來!

沒問題的, 應該可以撐得住

FYP我放棄想太多 太多反而更煩
不要想些有的沒有
be yourself

功課預定:
eddie份final...這兩星期內ko
eddie份bonus同其他assignment的improvement...下星期ko
(原來已經交左9份)
watercolor份final...臨交前一日ko

kam的功課還有2份...統統都是臨交前1日ko
dick的...謎! 不過就算有我都唔會識, 都幾悲哀

fyp...這星期繼續整理structure
character已定
storyboard就算有些微更改圖也可照用, 補畫幾個shot就可以製animatic
下兩星期就動手做testing, 係maya裡起background
臨present前就搵埋music啦


希望係去麗江前畫晒所有key frames
1月就著手做FYP

要趕在5月中前做完FYP
我要去日本summer exchange!!!


嗯......只要我唔hea 只要唔好訓太多 就可以做得完
相比去年 這個功課量實在少得令我欣慰
可想而知到底去年我是生活在怎樣的功課地獄之中?

幻滅是成長的開始

這是我FYP的premise
tamama認為structure太複雜
說假如拿storyboard給別人看, 大概也不會明白

其實只要改一改時間先後次序就沒有問題
但...我真的想改嗎?
其實我不介意沒有人明白

其實我都覺得幾亂
次序真的可以調一調
加多幾樣elements落去

想呢個星期ko eddie份final
除左佢 其實都係碎雞


人越大 知道得越多反而失去得越多
這是我想在fyp講既(又繼續FYP)

似今日 與朋友聚首一堂的日子還剩下多少
人會變 環境會變
幾年後又是甚麼光景?
回首過去 令我覺得人生好稀虛
到底手裡甚麼都沒有抓住 只有空氣

睇完友人講黃子華的棟篤笑
有種悲涼感
明明有更想做既事
但社會環境唔容許你咁做
只能將就一點
對 我現在就是
不過我已知足 對我來說也沒太大差別就是

家庭負擔 經濟壓力
其實小一開始已經有這種壓力
只是今天我要去承擔 從前就能用年紀小當藉口

今天有親人朋友陪我走過一段路
長大後 陪我走的人變得越來越少

成長=Bloomson
幻滅=肥泡爆破

但願我不會因為做fyp而情緒抑鬱吧

大概是個人較喜歡這類作品
對於溫情歡樂作 太不行, 一看就知道這不是我的東西


更糟糕的是深夜是最有feel的
然後一個人在想
想著想著會離奇地哭起來
這個月發生了幾次
想大概fyp的壓力是有
然後是4號仔本身很喜歡沉醉在妄想世界的原固

而此刻的我
嗯 十分清醒
還好在低潮那刻開小差看其他東西分神

太可怕.....

難得唔洗補習

星期日同星期一係難得唔洗去補習, 教班的日子
感覺好RELAX(雖然有功課做)

用自己部電腦做完houdini, 覺得好對唔住佢
真係好傷機
我之後唔會係屋企rend你架喇=[
同樣地自y2 sem a瘋狂rend左你一日後, 我就冇再用你黎rend一樣

要用就用學校d機啦!


做完份功課發現後面死圖
落堂後即刻搵kam神打救
真係好好人呀佢! =]
到現今為止我都覺得搵佢做advisor係幾好既事
好好脾氣!

起碼佢唔會強迫我接受佢果套
有時係我自己立場唔堅定先咁猶豫姐


唉 想hea多一陣先做
但都係唔得
早d做完早d訓吧啦

今日發現原來CIL的人負責搞grad show @0@
不過又係既, animation同ca同學一樣咁忙, ca仲慘d要出外景搵演員book場
我地就係對住電腦日夜地做慘

cil.....最得係你地喇
grad show仲唔係你地搞?! XDD
不過咁 似乎好少人搞喎今年
會唔會變到冇左grad show架?

又俾fyp迫住...

本身真係冇乜野
唔覺得FYP會有咁大壓力
但係為左諗佢
根本冇時間做到其他野
諗完又係咁改
點解我要將D未深思熟慮好既野pre俾其他人聽?!
都未開始到, 點pre?!


好似依家咁
心情唔好
連本身要做果D功課我都未掂過
12月N1, 點溫?



好想有一日唔洗出街......唔洗對住人
自己一個人係房

其實我根本唔係發你地脾氣
只係有好多都諗唔通
唔想出聲
唔想回答你既問題
唔想你俾你打擾

結果換來一句
冇禮貌同冷漠




知唔知叫私人空間? 難道連一個精神上的私人空間我都冇?

告白

今日與友人去amc睇《告白》
起初還以為是甚麼愛情片, 雖然一開始我就知是3級
後來同學們睇完都讚好
再加上廣告看過剪片畫面都好靚
友人問我時, 即刻答應睇!

所以吶...到入戲院為止其實我仲未清楚套戲講乜=P







以下有劇透, 唔想睇請skip------------------------

故事講女教師的女兒死了, 但教師認為女兒的死並不是意外, 而是謀生, 在離開前向學生「告白」,指出女兒由班上的少年A跟B殺死的, 但沒有透露到底是誰, 同時開始進行復仇計劃......


整個故事雖然是有點灰暗有負面意識,但我覺得好睇! 而且講既全都是事實
病態學生病態家長病態教師病態制度

少年法原本的目的是保護未成年少年, 給予他們改過自新的機會
但就等如殺完人無罪釋放
女教師的行為並不可怕, 那是有因有果去殺人
而A跟B的行為才叫可怕
一個為了引人注意(尤其母親)而殺人
一個為證明自己而殺人

A是想殺人但失敗
起初以為B是不小心誤殺, 但原來B是因為要證明自己不如A所說的弱小, 證明自己比A更強所以殺人

心理完全扭曲的二人
最後在女教師的報復下, 親手殺死自己的母親

A的母親從小對他灌輸錯誤的英才教育,認為她的孩子必定是天才, 結果A達成不了她的寄望就拋棄他
A為了見母親, 所以做出各種誇張的事情, 甚至連殺人, 感染HIV病毒都覺得是好事, 只要母親願意望他
最後因為自己的自作孽, 親手炸死親生母親

B的母親也是望子成龍,認為孩子是受壞同學教唆才會殺人,並沒有同情過死了的小女孩,只是一味認為自己的孩子才是最可憐最無辜的;結果當她知道孩子是真心殺人時, 整個人都崩潰了, 想跟孩子一齊死, 結果反被殺


其他班上的同學其實也有病
大部份人因為不想被孤立, 結果明知欺凌本身有問題也會去做
雖然表面上是激勵人心的語句
但每句背後都重重的載滿對B的憎惡, 而這種憎惡在我看來並非真心認為老師可憐, 只是純粹拿藉口去光明正大說服自己一起進行欺凌


再來教師本身嘛
明顯向學生報復本身已經是病態行為
但我覺得只不過是忠於自己, 人又不是聖人, 容之心不可能大到可以原諒殺死自己親人的人, 尤其連可信的法律都無法把公理爭取回來, 對一個失去家庭的女人來說, 復仇是唯一可以解放自己的出路
我只覺得她好可憐, 即使她的行為有問題


除了故事有話題性外
拍攝手法、場景、音樂、鏡頭等都是一等一的漂亮!!!
比起故事, 我更喜歡這裡!
敍事方式也是我最喜歡的那種, 下次再講!

要振作

昨晚被eddi哥的速度打沉了
完全跟不上
做錯一個step=玩完
跟到佢既人, 完全係神人

還好有份超全面既notes
依家唯有跟住做啦
今晚我就要bind晒所有骨

fyp甚麼的 又被擱置了
其實下星期又要present
真心覺得呢d pre production可唔可以廢除?
我做d乜洗乜向全人類公告呢?

然後同人活動那裡
大概有人如果唔係我(地)冷言冷語
我諗佢又會繼續話玩, 但到最後乜屎都唔想做係屋企歎做皇帝
頂你唔好講到自己真係咁忙啦
得果時你都唔會願意出黎分擔工作
真係唔旨意你會拎個心出黎
你講架, 搵錢既野永遠係第一位
岩丫, 搵錢第一, 然後又有fyp, 又有動畫咁多喎, 幾時輪到呢d純粹興趣既活動丫
咁講你永遠都唔會有時間玩架啦, 好笑!

都好, 自己主動提出唔玩, 好好多~~~真係心都安落晒囉
咁唔合作既人, 我真係唔識點同你相處囉


好啦
我承認最近壓力有點大脾氣有少少火
好多野迫埋黎而你唔知開始ko邊份真係...好焦慮
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR