FC2ブログ

嘩事好眼訓

其實我應該唔係唔夠訓 平均6-7小時
係成日都夜訓 第二日又要做一大堆用腦費神既事
所以長時間都處於眼訓頭暈狀態
不如改變下生活習慣好冇呢? 我已經好殘喇無論內外都

每到晚上7點 11點就會感覺到睡意
捱過左就ok
尋晚做到3點幾 竟然訓唔著 少可 @0@

返左學校出機出腳架影相
食完中飯就落lab度整野
幾好丫 效果都
可能我架v rex太型棍!(太鍾意佢 決定做完fyp會著手再細執佢拎黎見工!:D)
可惜蠢左唔記得影埋實景, comp埋就正點
做做下唔識做 即刻出去搵老師求救, 同埋打電話問神人XDD

依家全身上下都抗拒緊做FYP

我諗grad show果度都係佢地要我幫手我就幫啦
唔能夠做主要的搞手
本身讀既credits比其他同year既人多
スポンサーサイト



足不出戶

嗯 難得有一天可以不用外出!
其實我很宅 很想整天都躲在家裡不見人 不接觸外面的空氣
今天如願了wwwwww

但願 今天可以畫得完一個shot
星期五前希望畫多2個shots/1 shot, 1上色
咁就可以叫自己安心少少

不要自己嚇自己 畫得完既
給自己最後死線 4月10日! 之後就要開始上色喇

study tour去不成
其實有些好處
1. FYP會有足夠時間做
2. 考到●●(太無聊不想自爆XDD)
3. 也許幫手搞搞畢業展覽 (聞說又似乎通過會搞,反正最後一年大學生涯, 留點行跡吧)
4. 夏天去似乎有點無望,等待秋天/冬天, 看看日本的另一面

凡事有兩面 向好方向想吧


也許一年後會參加WORKING HOLIDAY
在那邊讀書似乎...錢不夠用, 還是工作好了
反正日文的底我有, 只是突破不了


看見有朋友 畢業後一直對自己的仕途迷茫
轉了好幾份工作 但仍然不知自己想要甚麼


其實我想畫插畫的 最好幫輕小說甚麼的畫(夠宅)
不過這世界太多人會畫畫 畫得好的不只你一個
大概FYP完後 會漁翁撤網不斷投稿吧XDDD

還有 要整個靚的portfolio見人


之前有朋友似乎對自己的畫缺乏信心
覺得好像大家都不喜歡自己的畫風
嗯 其實別人喜歡不喜歡是別人的事
現階段自己喜歡便可
又不是做commercial
我是這樣想啦

讀書

昨晚睇侍戰隊太歡樂
結果明明應承11點補習
訓到11點半先識得彈起身
拿拿林打電話say sorry先
然後極速換衫出門
呢個月搵唔少外快 因為勁補習

唉 不過搵埋搵埋
都去唔到日本(短期內)
唯有將來用啦 錢搵返黎總有用既:D
用黎捐下都好

而且去唔到日本
都仲有其他選擇
依家諗緊去唔去歐洲好
同埋尋晚朋友臨時興起問我去唔去九寨溝
嗯 呢兩個地方都係我一直想去既
反正日本短期無望 不如更努力賺錢一次過去晒呢兩個地方啦


星期五的時候
小ellen的鄰居edoさん黎搵佢食飯,咁我地成日落左堂就一齊食
edoさん係日本讀書+工作十幾年, 向佢請教一下當地讀書/生活的情報
大家都認同 到3x歲時 就冇乜動力做呢d野

然後今日補習時個家長又同我傾下計
問讀master有冇用
我諗都冇諗就答佢"冇用"XDDD
(點解無啦啦同我傾呢種話題?)
其實讀master唔係冇用既, 睇你係唔係想做研究啊想繼續係學術上發展咁解姐

本身唔係對讀書太有興趣
覺得讀書只係一種助你達到某種目的的工具
正如本身唔係鍾意日文
學日文只係達成某種目的的工具

所以讀左咁多年
我想停止
追尋下一個目標啦

或者 我應該搵下工 乜工都好 賺錢 然後將來去日本讀書/working holiday都好
嗯 似乎返工又變成我下一件會用的工具

都是無聊事

原定3月尾畫完所有線稿
可是仍然未有完結跡象
我表示很憂心

(雖然日子仍然過得放縱)

嗯 又重看侍戰隊
好看
不能只把定當作成小朋友看的英雄節目
撇除戰鬥場面
這根本是一套講述自閉青年(?)如何擺脫過去,透過友情(?),活得更精彩的劇集 (你確定?)
當中穿插不同萌點 (嗯 小林吃姨的劇本是邪惡的,令人想像無限)

我知道演傲嬌殿下的桃李是第一次演戲,原來演千明的鈴木勝吾也是
噢 第一次演得還不錯!!

收筆喇
再繼續打怕4點都未能上床睡

冷卻

新聞話 1-3號機已經冷卻中
日本 快回到正常!

昨天開始 思縉慢慢抽離悲傷
現在邊飲鐵觀音邊努力fyp

被香港傳媒影響太深
外國報導雖然比日本估計的嚴重
但倒沒有香港傳媒那樣用字誇張


嗯 無意看了某人fb(其實是有用啦我認XDD)
其實我不認識那人
不過一講名字可能某份人就會認識

一個在日本留學的人
嗯 我都認日本人素質真的很高
在日本生活很快樂
不過各地文化不同
有必要把日本抬得高高在上, 然後踐踏自己的出生地嗎?
老實說我不懂
香港 雖然空氣差 地方少又迫 又多內地新移民
又多粗口...etc啦
但我還是愛香港 身為香港人我不感到羞恥

那種態度完全是盲目崇日
把自己「日化」 (japanization?! XDD)

不過 起比日本人的假 我似乎喜歡香港人的粗口:P
太多就頂唔順 少少可以中和負面情緒

冷靜

靜思了一個晚上
沒有想通甚麼
只是有點疲倦
想放下沉重感

而且整天都在上課啊吃飯
有人的地方 才能令我的思路暫停下來
盡量找些事情讓自己分心


假如能夠看破塵世
才不會再胡思亂想


我只是純粹討厭犧牲人命去拯救人命的事
雖然無奈 但沒辦法中的辦法
對此討厭到痛心疾首

人性

發現自己真係一個極悲觀的人



---------------

不黯physics的我 努力想知道到底核輻射是甚麼 影響有多大
換來的是腦海不停想像受害人的慘況
我想自己應該要收手
暫時難以容下其他事物
一個人獨處時 想了很多
由於太容易產生內咎感和罪惡感
這天意志消沉得很
會莫明奇妙覺得 自己好像做了些對不起受輻射影響的人
因為我用太多電
因為我未捐錢
因為我不是核專家等等


還有
老是說政府/電力公司沒有人性
但使用核電的我們到底可以站在甚麼立場發表偉論
口口聲聲要環保 保護藍星球
抱歉 由出生起 我一直都在污染自己的母親

不要笑
我很認真
認真到深夜來臨
會悄悄流下眼淚




放心
我未癲到/抑鬱到想自殺
不過我想 那天找不到我時 大概是我自我了結生命

這幾天日本不斷地震
都算 我對日本建築防震從不感懷疑
可是 核色機是令我最憂心的

想起1986年的切爾諾貝爾事件
本身是一個陌生的名字
看過紀錄片後
才意識到人類過份太膽和自以為是的愚蠢行為
科技到底是甚麼?
表面上為人類提供了舒適的生活
實際卻是把人類逐步推向死亡
本身科技不應該是為人效力嗎?
可能因為人的精神方面仍處於原始野人階段吧
欲望使人沖昏頭腦
結果科技成為殺人凶器

看了切爾諾貝爾的部份真相後(我懷疑還有更多...)
加上對核危機有些了解後
對世界感到絕望...

根本有核電的地方 必定災難不斷
教科書裡說甚麼核電只要安全使用 就沒問題只是騙小朋友
好吧 天災一發生 一切都完
先不說天災
處理核燃料的人 地方 份部都被放射物質污染 只是多與少的問題
患上癌症的機會比一般人高好幾倍
還有他們的後代呢?
只是 很可悲地公司 政府從不理會他們的生死
嘴巴上說安全 隻字不提"絕對會被污染"
保護衣物不是保護工作人員, 只是防止輻射線帶出外面,多可笑......
核電廠每年都要作修理/更新,可是進行這工作的人必定遭受輻射感染
而且就算真的派人去修理 每人每次只廳停留2-3分鐘 否則會因吸入大量輻射而死
這情況下 怎能好好作檢查/修理?

而核能燃燒時,產生許多根本地球上不會出現的物質,是絕對致命/致癌的
這種危險的事 沒有人強調過......


有時我倒懷疑是我過份憂慮還是政府淡化事件

的確 不要太輕易相信政府的說話
只是派糖 真相永遠不會讓平民知道


建議你一看切爾諾貝爾事件到底是怎樣的一回事
看完 心情直插谷底
假如一切繼續 世界末日的確近了

當我想到那些被矇在鼓裡的人民
尤其做補救工作的數位英雄(包括礦工 消防員 軍人 記者等等)
哭了 向你們致敬
短短2x年 死了的人絕對不止56人 官方一直都在說謊


日本 希望你認真對待

3.14

阿風 10周年喇~~~おめでとう
原定今天在武道館出演的1內2年紀念活動
因仙台大地震 開放了給難民住
其實即使沒有開放 相信也會延期吧
畢竟這段時期 日本人民的心情也不見得好到可以大肆慶祝吧

近幾年 他們的走勢確實有走下坡的感覺
不需要大紅大紫 只要默默做好音樂已經不錯了
有時紅或不紅 有好多因素影響
不是說你不夠好 只是機會這東西罕有得很

這個10周年有夠矛盾
不過說怎樣我還是會到日本去走幾圈


後天有一份compositing的功課要交
仍然是提不起精神做 明天跟同學們回家爆seed做吧

我條頸.......

orz 我部頸呀....
痛左成日喇 都仲未好
向左下方轉有困難!

睇完danny summer上big boyz club的部份
嘩 講到似層層咁
心寒!
每年美國有十幾萬人失縱,真係.......
都令我諗返起數年前的事
上上屆奧運期間
半夜訓唔著
但又郁唔到 俾鬼壓咁啦
但耳仔轉來的聲音先係令我最心寒
由細聲到大聲
好似有人講緊野 當然你唔會知係
第一次驚到標冷汗
朋友的來電一黎 即刻鬆晒可以郁
不過電話未接已收線
事後都唔記得有冇問點解佢3點幾仲打電話黎

一直我都覺得係因為處於清醒同唔清醒之間先會咁
睇完果3集BIG BOYZ CLUB
再諗返起
我係心寒架......

事隔咁多年 可能真係腦部某D活動令我有錯覺
但腦呢樣野都好神奇
你所聽到既睇到既感覺到既 一切都係腦俾你既
假如有人向腦部發出一些訊息 令你產生一些錯覺
咁我覺得都唔係冇可能


最後 日本死傷者 r.i.p

study tour

依家真係好擔心
下午睇新聞先知日本8.9級地震
紅色旅遊警示啊!!!!!!!!!!(抱頭)

日本人好慘係堅既
但我望住有機難產的study tour
有種淚在心中流的感覺

唔好搞唔成啊
今年我就係final year喇
除非自己出錢去果邊讀書啦


好擔心啊!!! >口<
好想去啊!!!


強大的菊花國 請你盡快好起來吧!

新世紀エヴァンゲリオン

認識我有點歷史的朋友
應該都知我好迷新世紀エヴァンゲリオン

今日一聽残酷な天使のテーゼ
即時有種神經線被挑起的感覺
好喜歡這首歌,心目中無法被任何歌超越的神曲!
好喜歡這套動畫,十多年了,從來不覺得有任何一套能超越它的作品

喜歡動畫裡的設定
視覺效果的眩暈(這點在新劇場版裡更甚,看到目瞪口呆,真心欣賞製作新版的工作人員!)
以及 我最喜歡那種含糊的敍事手法
表面的故事看似最簡單不過 機械人對抗不明生物的故事
不過內裡有多種心理描寫,用象徵式的手法表達出來

好吧 吃完飯一直聽歌到現在 甚麼都沒有做啊我
開工了!

好凍....

一凍工作效率會大打折扣
下午外出
約會2年多沒有見的老朋友

吃過午飯
逛一會兒
已經5時多

爸爸好像病了
可能人老了
最近常說腰骨痛啊怕凍之類

明天要上9半
盡快把手上唯一開了頭的scene畫好便去睡吧
因為連續3日都有飯局
考慮走星期四的堂(只是為興趣而上 不是學校的堂)
把時間空下來做FYP

嗯 考慮考慮中

我應該學習放過自己

二月尾開始
星期一至星期日
只要在家的時間
一定會開ps畫FYP
因為害怕做不完
有時會逃避突如其來的聚會
只想用盡所有時間做FYP

可是
進度並不十分樂觀
有時開著PS 十之八九在想鏡頭問題,該如何畫才有意思
連睡覺前後的時間 都已經被我拿來想像FYP的主角 背景 props 拍攝手法等問題
這情況
似乎開始有點暴走

除非上學上班補習
其實已經好幾年沒怎樣主動約人外出(雖然本身已經少, 但這幾年似乎真的沒有)

基本早上10時多便會開電腦
然後做到3時多去補習
晚上9時多又繼續
2時多睡覺
可惜 仍然很慢

orz 辛苦
FYP的惡夢幾時完結?
假如對自己沒有太大要求 可能不用痛苦
我想放過自己

頸痛

堅持一日一scene
今天做到了
不過貪心的我, 想今天完成多一個0.5個scene
3月的一星期又過去了, 令我非常憂心

最近 星期六日已經沒有hea掉時間
已經努力盡畫 雖然也會有開小差的時候
感覺真的已畫好了1/3的線稿
恐怕星期三四五又沒有時間做
所以明天要繼續push自己

好喇
其實說想睡覺又未到好想睡的程度
但眼睛真的很累
脖子也疼痛起來


嗯 最近想買菲林機影相
太有feel!

牙肉腫起來了

智慧牙這種無用的東西為甚麼要長在人體上?
4隻牙裡有2隻是略形生,近神經線
無論如何都其實要拔出來
只是我有點怕近神經線帶來的問題(雖然人人都說問題小, 不過風險始終有)

而且
一想到拔掉後
聞說會痛到一星期睡不著
臉頰會腫起來
要是食物掉了在傷口會發炎之類的
更想打退堂鼓
費用也很貴.....orz


可是
現在久不久它好像有所活動
令我覺得自己的大牙有被撞爛的危機
而且牙肉也腫起來
食一口飯痛一下 (咬多10分鐘左右習慣了就不痛)

去死吧 智慧牙= =

= =

昨天吶
很腐敗地看這個那個 結果看到中途便睡著了= =

累積下來的罪惡感叫我今天要加把勁FYP
雖然做就會做 但進度就........

CTL 幾時出study tour通告??
CM 幾時話我知果3個credits批唔批?

呀 昨天mid term了
昨天忘記帶USB, 而沒有怎樣跟advisor討論

唉..........
其實讀書應該比工作更輕鬆快樂
但現階段我只想脫離FYP 所以想快些畢業
當然 畢業後就會懷念讀書的日子

風花雪月又一天
做錯事擺出學生的無知
大家都會原諒你 給你無限次機會
走堂遲到是例宜公事
不斷找高時薪秘撈
賺幾多儲幾多花幾多
覺得自己不用家人的錢 (Except食費 水電煤)就已經盡了自己責任

星期六的早晨
開著PS, 對住電腦想著將來,苦惱的2X歲春天orz

半夜

凌晨兩時多
FYP開動中

今日同學都說 其實其他學系的人都開始找工作了
三月左右應該開始找工作了
不過
我打算去完日本,回來後才找
不過他們都說暑假後較難找
嗯 沒所謂...反正我又打算WORKING HOLIDAY
隨便找一份賺點錢
另外再找些freelance做應該不成問題
(雖然見到朋友開始找 我都有點心急:P)

下午邊食飯邊吹水的時光是最歡樂的=]
期待下星期的BBQ大會
上次吐到七彩 結果沒法子赴宴
今次要好好調理身子出現XDDD


聽到一些令人傷感的事
一年級的時候,跟她由一個陌生的情況下認識
隨著我經常坐在她附近 (我認我是故意找她旁邊的位置坐XDD)
繼而一齊做project, presents等等
慢慢熟絡
不過有些領域我是未敢跨越

一年級時 已經聽她輕描淡寫過
今天再聽,感覺到她好像強忍甚麼似的
其實我一直都記得 所以盡量也避免那種話題

父母關係 我家有點畸形就是,沒想到有人比我家更...
當你經常聽到母親跟你說「被迫」/「勉強」才嫁人之類的,就算年紀再小,我都清楚這兩個人其實只是勉強一齊
即使如此 父母親的責任他們盡了,所以我也沒甚麼
而且相處久了 縱使再討厭,有了孩子,感情就會被親情填滿(雖然經常吵架)

有時吵鬧過後
頂多兩三星期左右 雙方討論完就沒事
(第一次經歷大概是小一,老實講 驚)
尤其當其中一方出現破壞行為,我的呼吸都好像停止似
也曾經因為害怕,把家中所有利器都收起
所以 有點難想像這廿多年 一直生活在這樣的家庭裡,心情到底是怎樣

縱使傷感 但我認為 這個結果也能為大家作解脫 放下心中那口怨氣

嗚呀!!!>口<

(抱歉久不久就會在BLOG裡吶喊)

創作人的痛苦(跪)


明明昨天才滿有鬥志要做好fyp
今天我又消沉了
我發誓絕對比上星期積極了
但為甚麼進度依然可以咁低orz


5月快些到
我想早日解脫
FYP好煩
每日睇住自己畫果埋圖
郁得好梗係開心啦
郁得爛圖又畫得爛(當你一個人一秒畫12張差唔多樣既時候,任何圖都會爛!囧) 我的心情就會好抑鬱
以前畫得唔靚我會即刻DELETE
依家 唔可以咁浪費
我又開始驚畫唔晒
畫得唔靚
畫唔到想要既效果囧囧囧


好啦
等我又吹下上年的悲劇
話說當年無知既我
努力地完成一份ASSIGNMENT (雖然都係畫唔切, 但完成度幾高)
出去PRESENT時,講畫RUN/WALK CYCLE上網搵左reference黎睇
結果竟然俾條賤佬話我係咪冇時間做,點解要上網搵ref,有冇真係睇過真人點郁

頂你!

其實我覺得ref呢d野就真係拎黎做ref, 睇幾多條都好, 都係參考姐...如果當時我答有, 條賤人唔知會有反應
不過咁, 佢第2份assignment開始都唔妥我畫2D,係咁針對我,真唔明點解
(依家俾第2 d tutors睇,根本冇大問題,真心唔明點解你要咁踩我畫既2D)

冇交功課果d又唔見你咁大條道理話佢地
我知 你地關係好嘛
so 呢年FYP搵親你做advisor都係一埋「唔認真」的同學囉
根本知你味野既, 都冇個願意搵你做advisor
其實都唔只我地呢屆唔鍾意你,不過我地就真係明顯左d既,同樣地, 你為人師表都明唔妥我地, 係班二年級面前數臭我地

成日話同學唔鍾意佢係因為佢嚴
我嚴你老味

係公私不分囉頂你 自己乜野問題都唔知仲好意思大大聲聲咁周圍講

為左做Freelance走我地堂
交齊功課quality又唔差既就俾你話到一面屁
唔交功課果d你同佢地熟嘛, 咪嘻嘻哈哈咁激讚囉

真係越諗越嬲
點解我會有錯覺曾經覺得佢係個好老師??!!
(還好sem b開頭已經察覺到佢好有問題)


賤人唔該你快d走
唔好再係度累人累物
好似你呢種quality既出面有大把比你好既老師
新黎既dean,唔該你快d炒左d粉腸!!


呼...發洩完, 做野!

該說我做事效率低嗎?

wg01.jpg

只有白線條令人不安
所以決定把其中一個shot上色,感覺就好似真的有一個完整的shot可以給人看一樣
那些水花 我都覺得自己把它們的movement畫得很好XDDD

shadow未上
reflection未上
頂...連水積都未畫好...
但係我已經想訓覺了
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR