FC2ブログ

機票

歐洲機票已買
盛惠7千多大元= =
去得果頭唔好諗太多喇

第一站austria>italy>france>germany>korea(?!)

韓國是因為轉機在那裡逗留1天的時間XDDD
當去多一個地方


控制2萬5 2x天歐洲遊, 挑戰難度!!


日本仍然會去, 如果w-inds.開演唱會
但的確不宜逗留太耐
話晒10周年, 點我都想去!
仲有錢去多程日本!
スポンサーサイト



做到想反枱!

吼!!!!!
膊頭好痛!!!!!!!
成隻右手都開始痛, 有病!!

天氣開始熱
電腦你陪我一齊撐多一個月唔夠就可以放下假, 短時間內我唔會再勞役你

天啊
我忙不得依家即刻就訓覺
平時玩係唔知叫眼訓
一做野就會異常想訓覺


我要做FYP啊!!!
種子唔該你爆下啦!!!

我會見到完成的畢業作品嗎?

本身以為進度還好
但每次見完
都總會說我未畫完



我知...2D比3D更難去完成
但我已經日日都畫
而且我畫得也算快

但總覺得...就是欠缺一些關聯性的鏡頭
導致給人的整體感覺不完整



唔想PRESENT
想就咁交完就算
大佬半粒鐘呀pre
莫非真係叫我企定定係度俾人圍堵??!!
我的心靈好脆弱
我唔想成日搏晒老命咁做
結果出到黎只有彈

重點並唔係全部都壞
只不過人總會把別人的缺點放到最大
只會將你唔好既地方全部挑晒出黎攻擊你


一諗到呢點
就慨嘆點解仲要咁努力做

不過一日未到 一日都唔知自己係咪唔得
何況都要出街見人
盡力啦

1個月不夠.....

FYP present如無意外應該訂在5月23跟24日
我那組應該是23那天

現在嘛......
scene01_test.jpg

scene02_test.jpg

scene03_test.jpg

昨天開始認真畫一背景
一些變形的地方就不要執著, 我是這樣勸自己
不想好像上年那樣, 為了少許些微的變動和不夠好看, 結果改了又改
到頭來還被人嫌


其實.....這樣看, 我覺得背景還畫得不錯丫XD

做FYP期間, 發現自己畫手有了進步
當一天內迫自己畫4X張手部動作, 好難不會有進步

半夜想起令人不快的話句

夜深人靜
竟然都可以無啦啦聯想到佢
證明我呢排真係好唔鍾意佢

呢種唔鍾意係慢慢累積
將y1時覺得的違和感加埋呢排的厭惡
就變成好唔鍾意佢

我既自卑
佢既無知
無意中令我的傷口擴大
我認我敏感


「我好窮, 有錢果個係我老豆」
diu你! 唔好成日扮窮啦
含住金鎖匙出世, 出乜聲呀你
仲要唔止一次聽到
成日呻窮
我都未呻啦你呻
一齊讀書的同學, 朋友入面, 真係未見過有人好似你咁誇張
你都識講你老豆有錢啦, 仲呻乜___窮呀

最睇唔過眼佢成日話想買呢樣果樣
轉頭又話冇錢唔買
大佬幾十蚊你都計較
你呢種唔係叫慳 叫吝嗇!
成日都係咁 好___煩


成日都悠悠咁
有冇資格批評人做野呢?
每次做做下fyp都會諗返起佢d人憎既說話, 繼而一肚子火
你份fyp大部份都係出錢搵人幫你整既, 出乜___聲呀?


最唔鍾意佢成日搵藉口黎推托責任, 仲要好無辜咁覺得大家唔諒解佢
diu! 我夠知你忙啦, 你忙唔通我唔忙, 大家都唔忙?!
人人都咁忙架啦 你咪嘆少個早餐/早茶勤力d做野囉
嘆左幾日都唔做野, 突然有急事要開會傾grad show就想grad show忙
你係冇講出口, 但全世界都知你想講啦


好奇怪呢個人
十級奇怪!!!
辛辛苦苦叫人捐錢搞grad show (因為PK學校一毛錢都唔俾)
轉頭話如果有錢淨就俾下一年=口= 地你老味
你個腦裝草架???!!!!


有時我都唔知佢究竟係吝嗇定係闊綽
對金錢的概念好奇怪, 同佢相處得耐越發現自己接受唔到呢點怪(唔止我一個咁諗)
同埋 隱約覺得佢耀緊自己的見識 (可能因為呢期我唔妥佢所以佢做乜我都睇唔順眼)
其實好多我自己本身都聽過/知道, 唔洗你一一重覆
好奇怪...其他人講我冇乜野, 佢講我就好反感!!


點解...........|||||||
果然, 討厭一個人係唔需要理由
由細到大 我未試過討厭一個相處左咁耐既人
但我唔係表面對你好背地裡話你既人
基本上我背地裡成日講, 表面我都唔會俾好面色你睇/無視你/當口當面話你

唉..............

復活節

其實假期不假期
我都還是要做FYP, 唉!
不過最近娛樂多了, 就是追看洪武三十二
身為修讀中史科的同學
對於改編史實的劇集不多不少感興趣(當年爭霸亦如此)
不過最大因素是為看陳鍵鋒而看:P
由律政新人王開始看到現在
作為他在TBB最後的一部劇
以配角的形式結束
其實TBB對他真的......反看當年的五虎
馬國明 林峰 BOSCO 吳唱K
陳鍵鋒的發展真係.........
近年TBB只力捧林峰 睇到好厭
所以我都費時睇

其實我覺得samuel做得幾好丫係呢套劇入面}
而且角色幾討好
雖然係太監, 不過除左身體殘缺外, 根本就係一個perfect的人
(哈哈 鄭和大人係中國的偉人, 果然同一般太監仔唔同!)
稍為對中史有了解的人都應該知道
中國的航海歷史係明朝係高峰
當年大部份船隻都係劉家港出發
所以果度係做船業好發達的地方 (嗯 如果我冇記錯的話)

薪和下西洋 令明朝聲威遠播
亦加速左移民潮
其實係東南亞好多地方既人都視鄭和係神
為佢起廟供奉佢
你就知呢個大太監有幾巴閉!

但到底歷史上的鄭和有冇samuel咁靚仔呢? (哈 我最鍾意諗呢d問題)
根據史書記載 鄭和生得好高大, 而且聲音響亮, 總之同平時太監的形象唔同啦
同時 永樂大帝明成祖係個要面既人(見佢係咁叫鄭和出海都知事)
要揀梗係揀個見得人既人才出去啦
證明鄭和應該生得唔差既
而且佢本身係色目貴族
應該有貴族氣質 (係元朝打敗仗佢先俾人閹左姐)


其實homo32有好多都係同歷史不符既地方
不過抱著睇劇既心態
都唔錯丫!!!

徹底喜歡上三保呢個角色!! 三保>///<
成日都好委屈咁既樣好萌

好似咁集同千戶大人的對手戲
其實只係一句好平常的對白
但我聽來都可以YY到:P
「三保一定會救你出去」(類似啦...)

自己叫自己既名呢點好萌!!!!

糟糕.....徹底腐了!!!!

三保!!!!!!!!!!>///<
楚楚可憐的模樣看得我心痛orz
好虐心啊><
王爺又要殺三保, 又要趕三保出燕王府

三保話
君走前要侍奉王爺 (呢句好難唔惹人暇想)
好靚既手指, 三保好白!

8811005aa14e265749fb5110.jpg


TBB你係故意賣腐!!! (但係我buy)
睇得人熱血沸騰!

最後 王爺想通了
要還三保自由之身
但並唔係趕佢走
而係要佢係幫助自己創一番事業後實行自己的理想(做航海家, 鄭和下西洋嘛)

聽見王爺要趕自己走
流下的那一滴淚 直教人揪心! 三保!!!>口<

5e1b4ba424c740a5fc037fa0.jpg


呢集絕對係講燕王同三保的基情
仲有二人的初次相遇
淨身後的小三保被王爺一眼就睇中, 從此帶去燕王府過著相親相愛的日子(我絕對冇誤導!!)

真實的鄭和係色目人
所以劇中三保有戴color cone, 不過由於屬墨藍色, 所以唔係好覺
係前一集同殺人高娃打果時, 池水反光先睇到真係淺色d

第一次咁追tbb的劇集
呢對真係好有愛!

三保...燕王...

洪武三十二.......重GAY味(也許係我想太多)
睇見燕王同三保的互動就好開心XDDD

尋日果集
講有個女人想刺殺三保
三保俾佢誤會係淫贼
向燕王報告時
俾燕王調戲佢XDDD

dac1558b1a36d5583af3cfb4.jpg


三:難為王爺你還笑得出
燕:本王豈會不關心三保

.......................這已經超越主僕關係吧(笑)
試問有下屬會向自己的主子撤嬌
又有主子會有情逸致開完你玩笑後又安慰返你?


好吧 呢套劇裡
三保其實係燕王的妃子 (錯晒XDDD)

我冇諗過combine片都可以做咁耐

早晨囉 5點都黎喇= =
我仲煩惱緊片檔output完太大的問題
因為大到不能直接扮入portable harddisk.....= =


9點前要解決


唉 有時都想知係自己扮偉大定點
其實我都好眼訓
不過見到其他同學都做得辛苦

除左佢
原來我既態度已經好好
因為大家都有佢面

grad show...係重要
但係team work都重要
你一個人hea係你自己事
一group人你一個唔做野已經累事

忙唔係藉口
assignment一定要做
grad show你都一定要搞
根本兩個一定要做既工作冇得話因為忙而唔管另一個

最後可以點? 咪犧牲休息時間囉
偏偏你又神咁早訓左覺
冇得啦

明明有時間畫
因為你hea左而累到大家做到咁夜咁辛苦咁驚(驚做唔晒)
最唔妥係因為佢之前好不負責任咁講有一日時間俾你, 冇理由冇進度既說話
你睇下你自己依家情況, 諗清楚先再講野

收到大家的sms, 我shocked

其實....我完全忘記左今晚有飯局orz||||
尋日拍左一整天片
食完飯再係ellen屋企剪埋片先返屋企
分完工後 大安指意諗住今晚畫...誰不知...

orz 我真係唔記得||||||||||||||


於是 又開始緊張做唔晒d野|||
焦慮感又迫我1個鐘內畫左5-6張線稿
係FYP喎.....唔係聽日要comp果danimation....orz|||||

呢個人...真係...

尋日既相處
我發現自己真係越來越唔鍾意佢, 點算?
不過往後係仲有日子需要合作 Orz||||

某同學也曾因為頂唔順佢而向我大吐苦水
結果2個對佢-ve impression既人合起黎只會變得更-ve

太固執
唔鍾意聽人意見
覺得自己岩晒就唔會理其他人意見

同埋 我覺得佢有d自以為是
覺得自己果件係installation
就睇唔起淨係做video既我地
坦白講 如果想放d卡片呀postcard係度, 點都需要個櫃仔
人地只不過係想提出呢個建議
佢連聽都冇聽晒成句
一口就就以"冇地方"黎reject人地既要求


其實聽完之後都幾火
佢以為自己果件大就需要空間, 我地只係video就唔需要空間??

大家都係500蚊
但可唔可以唔好因為瞁空間冇地方而劃最少位俾animation既同學仔
唔公平
起碼都擺得好好睇睇 放個櫃仔係度擺leftlet乜都好丫...

同佢合作係好勞氣

成日get錯野
又將d話題講到好遠, 明明大家都唔係focus係果d位, 得佢一個囉


唉 我都係繼續做自己野先

原來真係會唔捨得

心情如同title
原來今日係last day
原來kam神教埋呢年就唔教
佢一講"呢堂都係我最後一堂"
果下真係勁shocked!!!
我grad就話走姐, 你都轉工呀?>口<

佢係個好老師
從來都唔會怕麻煩
就算學生遲到, 冇聽書, 講極都唔明
都會不厭其煩地講到你明, 試到你明為止
從來唔會俾面色學生睇
唔會發脾氣

學生需要既係?
唔係利益關係既野
而係一個教到書, 關心你既老師
記得fyp的事同佢發生過小小磨擦
嗯 最後都和平解決, 這是小小的遺憾, 因為我的不忿
但無阻我同佢既合作:D


全體同學, 唔單止Y3, 仲有Y2 (嗯, 可能Y3多人啦...)勁激動
扮喊XDDD
即時開FANS CLUB俾佢, 笑左

好慶幸搵佢做advisor


下午final test完日文大家就搵先生一齊影相:)
佢好好笑架, 哈哈
畑澤先生, 成日只記得佢叫KEIKO, 佳子, 唔記得佢姓

呀!!!!!!!!!!!!!!!!!!!!!!

重覆:


「呀!!!!!!!!!!!!!!!」
4小時前的心情
做到精神錯亂的我
搞亂自己工作的先後次序
將一個舊file replace左新file
於是 尋晚畫到4點既新file變左舊file
畫左幾粒鐘唔上網係咁畫既file冇左!!!!!!


依家極速花4小時追返尋日既進度
唔可以再停/慢落黎
呢3日都好痴線咁不停畫
除左今日早上返橕校搞搞聽日份assignment外

嗯 仲未搵歌缺下一份assignment
仲未溫聽日既final...雖然我識, 但我有d野我唔記得

繼續!!

2d呀2d.....

如果做3d, 會唔會怕做唔晒呢?
如果做3d, 郁下鏡頭都叫有野睇
但係做2d, 畫唔夠就係唔夠, 漏frame漏shot都會好明顯


呀.....我做唔做得切???

身體開始自動減眠

有錢人的天真

繼續都係某同學的話題
係 我認我d脾氣黎得幾突然
你唔妥我冇問題

不過我覺得雙方都有錯
點解我會嬲
我覺得主要係除左佢d冇交帶性格外
仲有佢既有錢人的天真


月租7500的屋佢可以話好平
去grad trip聲稱自己只可拎1萬-1萬五出黎
前後有矛盾

另外, 其實去果個地方, 我覺得同去歐洲都差唔多囉.....
唔好講到歐洲同你果度好唔同價錢相差好遠你afford唔起, 最多咪相差幾千...
都係果句啦, 一開始唔想花錢grad trip你就唔好講咁多爹, 諗呢樣果樣
一早講句冇錢去咪ok囉
9up左半年, 然後又轉口話唔join grad trip
喂 我好難唔火喎, 尤其對一個已經冇得study tour既人黎講


岩岩同另一個同學傾計 (其實我交代返d野既原本...)
不過講講下又燒到佢果度
同學引左佢講既一句說話, 令我對佢既感覺繼續大跌................

話說, 佢依家跟緊一個外國Professor做fyp
即係咁, 雖然professor係一個權威, 不過講既說話未免係絕對岩架, 唔係100% true
你buy佢還buy佢, 其他同學質疑佢係其他同學既事, 唔洗話唔鍾意果d同學架
而且我3buy佢地, 同時都覺得係你太天真
廿x年黎順風順水, 唔知個窮字點寫, 目前既一切都係自己想要既
可唔可以轉個角度睇呢?
再咁堅持只會俾人覺得你天真 有錢人的天真 食米唔知米貴
讀唔到書唔緊要, 屋企有個大水喉, 搵唔到工唔緊要, 繼承家業大把錢你賺
所以, 你愁d乜呢? 冇野愁咪諗野天真囉, 唔接受人地既批評


另外, 某同學要讀好多credit, 做fyp有一定難度, 因為時間相對係少左
你竟然串人地話佢冇時間又睇呢樣果樣
吊頸都要休息........比著係你都唔能夠除左訓覺食飯係法定休息外, 其餘時間拎晒黎做fyp啦
唔好講到完成fyp係責任
邊個唔知道呀...
講到咁q偉大, 讀書夠係學生責任啦, 又唔見你勤力讀書?!


我覺得你根本冇資格串人囉


頂 咪professor講乜屎你都覺得係格言啦
兩地文化背景都唔同
professor唔知唔緊要, 你係度生活咁耐都唔知香港係個點既社會?

有錢的天真


突然記起打埋先

我覺得你既然搵得人幫你, 就應該信下佢
俾個上頭電話姐...其實都係, 你交代返俾人聽咪得囉
講怕俾人覺得你冇責任感, 唔自己親自負責
其實, 我真係好賤咁諗你係咪怕人地取代左你個位?
一有D事, 上面唔會再搵你做野, 俾左另一個人做
一個有能力既人唔會介意呢樣野


唉! 越諗越唔鍾意佢
我唔想, 短時間內唔想單獨見到佢

我的問題?

其實grad trip方面
雖然我真係好想去歐洲
但開個group都係想問大家意見

好似造成唔少誤會咁
係 我係想去歐洲
但我想去都係因為大家有提起過
咁我咪順勢繼續擴大話題
study tour去唔到我已經好傷心
唔想咁辛苦搵錢結果hea去一個地方


點知開左
個個都好似逃避問題咁
歐洲真係咁得人驚?
當時係大家提起先, 原本我真係冇打算要去


到開左
曾經好大機會會去既人竟然反口
我唔係介意你唔去
而係
點解你可以咁
所有野都用"應該"/"可能"黎講
咁樣就可以不負責任, say no冇難度

睇返個post, 變相我係壞人
佢就好似好無辜咁俾我話



唔該 唔想去, 請早d明確地出聲!!!



睇到佢個post, 真係堅扯火, 其他人咁講都冇咁嬲
ps: 我仲係想去日本架, 不過依家搞成咁, 真係好多未明朗因素, 我想等佢地出左tour既行程先再決定


雖然咁樣諗真係好乞人憎
但暫時呢種想法充斥成個腦 俾我打啦...orz|||


budget淨係拎得起萬幾
其實我知你唔止咁多
屋企咁有米
成日同屋企人一齊去旅行
自己又成日接freelance同返工
你話你冇錢??? 我真係唔多信
唔好搵d爛藉口同我講野
你只需要答你去, 定唔去就得


我覺得係呢度佢出左問題, 而令我扯左火
另一個同學直接了當答唔去, 因為冇錢, 我又接受喎
人的表達能力問題


好啦 上面既野係我好嬲果時所諗既
冇理性可言架
但不吐不快:P

瑪利亞狂熱 內心是大叔的少女

呀...唔得喇 笑到抽筋,能吐糟的地方太多!

主角: 佳奈子
討厭男生, 對美少女有無限幻想, 入讀天妃學園, 希望尋找命運天女同佢譜出戀曲
對百合愛有憧憬
即使知道鞠也係男, 但對於佢既可愛pose都依然噴得出鼻血

看見女性的胸部/或一些誘人的pose會大量噴鼻血的大叔型少女

maholic_03_05.jpg
而且係被虐狂 ドM!

maholic_11_19.jpg
我喜歡佢成日變樣 XDDD


maholic_12_40.jpg

好似係最後一集, 見到鞠也的生妹妹(差點)露出來的胸部而溉血成河了


好難唔笑XDDDDD

2星期

睇完朋友XG
原來我仲有2星期就完SEM
當然FYP係進行式咁繼續中啦
人地個個都5月頭-中考完試,我份FYP五月廿X日先present呀...

唔捨得張學生八達通><
唔捨等張學生證 (不過我張學生證係冇expiry date, 永遠學生身份的象徵?!)
唔捨得與同學並肩作戰的日子
無論係做GROUP定INDIVIDUAL大家都成日係面書度吹水, 即使坐隔離都要用佢黎傾計
一齊講老師壞話XDDD
一齊宅

不過相信宅可以令我地畢業後都見面:)


比起學術的科目
我更鍾意實用型的科目
慶幸有轉系
否則 可能呢世都會求其打份工過世

我想
學以致用

想 做cult野
想 擴闊眼界 接受更多新事物

不過有樣野就係
學左唔等如識用
工多藝熟
完左fyp要操返maya
第時見工唔洗慌
做野唔怕扯人後腳

最怕老闆果套請你返黎唔係教你, 係要你做
不過呢個都係現實

賭 我今晚可以幾點訓?

好野 好耐冇開賭局喇(拍手)
其實應該好快訓得既 唔洗太悲觀
聽日份assignment唔煩架, 只係technical problem異常大, 解決了其實一小時內都可以做完

重點又落係FYP度, 我要努力繼續畫畫畫........!
有時畫到半夜 夜深人靜時
好辛苦
不過慶幸做2D
3D雖然冇咁煩 同埋做唔晒的危機細
不過要我花時間TUNE動作係一件好討厭既事
寧願慢慢逐格雕花


星期四的tamama堂已經上完
dayoff回歸! (雖然要返工)

睇完中村明日美子本卒業生
堅懷疑中學時
不過依家我都唔想畢業
如果唔係想跟同學一齊畢業
我諗我會再defer
sem a去exchange, sem b去study tour (反正有一科佢未批trans, 我真係畢唔到)
都係諗下姐...唉
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR