FC2ブログ

我呢個人呢....

唔係講笑, 做緊FYP時明明講要俾自己頹幾星期, 依家已經有D悶悶地...
(其實仲有一份assignment我仲未搞好, 不過未有動力去搞佢就係...為了唔扯後腿, 聽日/後日我都搞搞佢)

旅行係開心, 但去完又可以點
回到現實總是殘酷的

係啦...我唔似果個人咁
種種的原因, 佢可以當GRAD左係另一種玩樂既開始
玩幾年先, 如果冇野做先繼承家業
哈哈哈, 呢種人竟然仲天真地對唔同世界既我地講風涼話=w=

記得事後有同學爆料
正當大家都為FYP忙碌時
佢竟然仲可以白痴到反問我地「點解每晚咁夜先訓? 我日日都11點就訓左喇喎

出左萬幾蚊整左架機出黎, 但只係放左3個波, 3組公仔上去就夠膽死講自己完成左.........

TIU...!係咪咁冇腦呀...?
スポンサーサイト



解放喇!!!!

本身係打算23號pre完就打呢篇blog
不過真係攰到隨時暈低, 所以放棄了
然後第二日又野, 病到七彩(我個樣完全係嚇得死人)
所以依家先打

嗯 其實俾人批評果時都冇乜野既
除左某條仆街既態度有d野之外, 真係想叫佢收聲如果佢冇實際comment既話

夜晚去左食飯
睇左一陣漫畫又訓覺

24號繼續返去睇同學present
少左果條仆街係度 氣氛好太多

我支持既同學仔表現都很好! good!

不過我唔鍾意某個人付出少少以為自己做左好多咁囉

夜晚一大班同學去食大阪燒慶功宴
好嘈吵, 但堅係開心
亂up廿四, 乜都笑餐飽XDDD
呢段時間要KEEP住慶功心情

嘩哈哈 好耐未試過咁RELAX!

終於......

每次見完kam神我都焦慮不安
原因是每次報告完他都面露憂心神色
以及似乎無法看出我到底做甚麼

所以每次見完佢
當晚我都會用極為焦慮既心情趕功 修改畫面

今日見佢時
可能加左好多重要鏡頭落去
同埋呢次真係有edit過段片
有加自己想整既野落去
佢終於話有feel喇

我就係等你呢句說話!!
唔明唔緊要
我既重點係如何係visual營造隻mood同feel出黎

今晚努力上晒陰影去, 聽日繼續背景
吉同學教左我一個既簡單但效果好到不得了的方法整電影風格!

良心到底對我有幾harsh???

做人認真矛盾
一開始還很有自信覺得簡單的風格也能帶出個人特色
結果效果未如理想
我試左幾隻style喇...已經

最後選擇畫返自己老本行--厚塗
呢種既花時間又麻煩的功夫先過到自己良心果一關

果然係近朱者赤近墨者
假如你身邊盡是一堆hea友 自己都會hea埋一份
但往往我身邊所謂既hea友其實都是超認真的同學
為左不被比下去 迫使我都要認真起來...(當然 都是對自己的良心有所交代)

良心同我講呢幾日訓多過5個鐘就去死
良心都同我講唔認真畫背景你就唔好交fyp.....


其實諗深一層
都唔係話比唔比下去咁衰
只不過
見到人地做到 當然會希望自己都做到啦
因為靚
所以希望自己都畫得靚 就係咁簡單

好痛

唔好睇小m痛
呢幾年可能身體差左
竟然痛成咁
唔食藥止痛真係做唔到野
個感覺好似肚瀉咁...
一個早上去了4次廁所
好像甚麼都掏出來了

至上次食完必理痛好快收鼻水之後
今次食呢隻止痛真係好快止痛
可以集中精神做野.....早知咁有用早d食
唔洗浪費兩粒鐘係床上滾....orz

我唔曠工喇

因為fyp關係
本身我係想星期三四都曠工唔返
但係...

係我泱定完去歐洲, 再去日本之後
我冇得唔返, 嫌錢腥

依家我乜都唔係 只係一個窮___
6月有part time唔該refer俾我, 我真係一名窮___

講完俾呀媽聽我會去埋日本之後
其實佢有俾說話我聽架
大約係表示屋企唔係有錢
點解要將d錢拎晒去旅行
唔留返d錢旁身呢?

其實係咁既...我做呢d決定都唔係冇考慮過
咁一定係仲有錢剩我先咁敢啦 (呢幾年慳埋慳埋真係夠我咁瘋狂咁去)
另外
搵工既問題我真係唔太擔心
唔會冇人請喎, 又唔係七老八十, 睇下你想搵工姐, 想人工幾多, 係咪做返興趣本行姐


由佢既言談間, 我感受到佢好驚我冇野做, 哈哈
我自己都未驚過
皇帝唔急太監急XDDD
佢好想我做公務員喎
我就隨遇而安啦
爸爸都話唔洗急

辛苦咁多年, 稍為俾我任性下啦

我想做果d真係急唔黎
機會唔輪到我 點急都係冇用
但一個好portfolio係重要既

下星期開始執靚去先~~

講到好似完左fyp咁
仲有一星期咋 我仲未畫完囉, dxu

今天完成了一個大task!

眼見FYP一點一點邁入完成階段
心中不禁難掩喜

還有一星期
就可以告別苦戰FYP的辛酸日子T___T


makingof05.jpg
這是今天畫的拼圖, 那是FYP稍為重要的圖像, 有SYMBOLIC意思, 但未知會不會有人GET到:P
做了一個動畫給它, 效果不錯!
其實應該有更快的方法, 如果我懂programming的話
可是如與要我研究那些, 倒不如努力畫

剩下的背景頗多, 確實要加把勁
結尾有2幕包括象徵意思的背景未畫, 亦未想好應怎樣畫
也許一會兒找找reference, 要畫並不難, 重點是構圖, 該放些甚麼入去, 別人才能明白一點
然後, 有2-3個要畫得誇一點....有難度, 我對風景畫老實說, 不太上心

其餘的背景
簡單地畫了一次, 有時間再畫得fine一點
現在因為想不到結尾該怎樣畫, 所以fine tune緊其中一個

還有一些空鏡
TUTOR希望我加入去, 能夠慢慢滲透一種我想表達的感覺
明天才畫

唔得病住

尋晚一直執稿執到今早6點幾 頂唔順訓到10點起身繼續執
但鼻子唔爭氣
係我最忙既時候又出事
冇鼻敏感既人係永遠都唔會知鼻敏崐既可怕
而我既情況更是非常嚴重

當噴嚏已經打到再冇鼻涕可以出現
鼻水就會好似失控咁自己流出黎
嗯 係滴出黎......好似鼻血咁

兩隻眼都俾眼水浸到腫

試問呢種情況下要用方法先可以提神爆seed?


已經食左藥
情況冇變

鼻好痛
眼睛好攰

我要KEEP住爆SEED!!

尋晚SEED已爆
訓左5小時起身又繼續畫

淨返10日!! 下下星期一就要交, 就要PRESENT
其實不論好壞, 有D位我真心ENJOY畫, 見到成果都好開心
當然一個人用幾個月時間做, 唔可能要求十完十美, 係我自己衰, 性格扭曲, 想超越自己既極限, 所以俾自己咁大壓力姐
當然, 仲有上年某人俾我既陰影啦...
我都講過無數次, 呢個人只會無限放大你既缺點, 努力甚麼的佢統統都無視
佢無情本身我係冇所謂, 最無奈係公私不分, 所以我先咁憎佢= =

咁耐以黎, 我都係黎到呢刻先乞求救兵 (好在友情信用卡仲有信用, 邀得PS同ART達人幫手)
不過求人都唔可以求得幾多, 有好多野仲係要自己黎
線稱基本上係畫晒(我唔知係咪仲需要加野, 聽日睇完先再算)
差在未畫晒背景, 未上晒色
我畫左1.X GB既稿........(未計footage同video)


btw 唔係我自誇
連我同班戰友咁趕法都只係勉強趕得切
其他開頭激hea, 到依家都仲....既果d人...真係........唔知結果會如何
不過人地唔似我地咁card deadline呢回事, 就唔當既

深夜又係講人是非既時間

大家好
最近的生活都是練鐵人功同FYP玩遊戲
依家要日清10幅背景圖, 我先叫可以做得晒有時間做editing
畫到第7幅
有d野不吐不快

留意呢個blog既朋友都知
最近我堅唔妥一個人
到底係受我影響定點呢? 大家都開始唔妥佢
奇怪, 我明明冇走圍唱喎走圍講(就算講都唔係同果個圈子既人講, 即係好似依家咁打blog發洩姐)

點解?
正正就係因為佢真係做左d好唔要得既事
俾其他同學爆左出黎 真係.......心底裡應該好多人都唔鍾意佢


即係咁
有d野, 唔係對人都講得
你係咪咁口疏, 連唔應該講果個人都講埋?!
重點係同呢個人講人地壞話, 會影響到當事人的利益, 唔係平時講下是非講下笑就算
你明唔明...呢個腦殘友將對其他老師的不是直接同佢地既上司講(咁岩呢個上司又係腦殘友既F_P tutor)
仲有...其實有d野唔關你事, 私下講咪算囉, 點解又要同你TUTOR講呢? 你有冇諗過真係有機會直接影響到人?
做人唔好咁缺!
係背後打人小報告!
(我只係係冇利益衝突既情況下講下是非大家笑下姐, 冇你咁賤格)

仲有一樣
真係聽完都火!
身為一個創作人, 雖然話答應條件既人本身都有少少問題, 只不過...由你開出條件果刻起我簡直覺得你係CHEAP!
人地負責畫
你就落自己個名
事後仲要唱人地
由你唱果刻開始, 其實大家既諗法都有9成覺得係你有問題先囉...
唔好咁到咁好聽
做人坦白D啦


唉 呢D係乜? 咪就係CHEAP囉 人格破產

我覺得已經唔識點同呢個人相處

唉唉唉唉唉

唉.........


心力交瘁
就快撐唔住
精神壓力好大

大概假如係一份普通assignment我都冇咁驚
如果就咁交份fyp都算

我唔想企出去俾人話
都係呢個問題啦
人永遠放大缺點

其實老師冇俾到壓力我
我知道係自己問題
壓力一大, 就會鑽牛角尖



呢種壓力同考試果種唔同
(u既考試唔計啦...果左2年, 都真係hea住既心理去考, 一d壓力都冇)
單同AL比較
前者係溫書時唔會驚
因為我覺得就算溫唔晒, 考試呢D野好睇臨場, 只要識老吹就得
但真係考同放成績果時先知叫緊張同壓力


然而FYP呢家野
可能係性質問題
平時趕PAPER/ESSAY, 唔理QUALITY總之你點都會唔到足夠字數出黎, 交到功課, 而又確實唔會太難睇
只要你唔係AIM AT高分, 真係幾易過關, 同埋點爛都好, TUTOR講野唔會hurt到你

但係讀左3年
呢類科太主觀, 當有人唔同意果時, 我係好在意
在意佢地唔明到底背後我付出幾多
每次, 都只會挑我痛腳出黎講
心胸唔夠闊
好難唔在意你既說話
我好記仇, 你講過d說話我呢世都會記得, 唔會再俾機會你上位話我


今次份FYP
玩太大...太abstact....到頭來只有我, tutor, 以及一直聽開我present既同學仔明白
其他同學, 係明d唔明d


其實上年外國人tutor講既說話
我真係好在意
我在意
點解你冇嘗試真係去了解, 就直接話"你做animation出黎係俾audience睇, 唔係俾你自己睇"

如果佢再係咁話我, 我會駁
FYP我想點就點, 點解我要理會其他人明唔明, 乜唔係我想講就講 ?

好多野唔係單憑你睇一眼就算
係咪要我低贓到好似XX咁成日去搵你傾, 你先明我份FYP UP乜春?

我唔似某人咁
因為你係大師, 你講我就要覺得係真理

我驚........做得唔好

我的焦慮心理又出現喇.....
明明早上還覺得自己可以做得好fyp
岩岩畫畫下突然好焦急

可以既話我唔想俾自己訓覺
但咁做會搞壞身體
最慘係我成日認住到最後俾人評到一文不值
咁就蝕

壞唔係問題
我要壞得有價值!


如果我可以多拿少少自信
理直氣壯咁同人講自己既idea
就唔洗怕呢樣野

點解我講唔出口
因為成個故事你要我解釋d來龍去脈
sorry 我一向唔係走呢派風格
我唔鍾意好仔細同人講呢個畫面代表d

點解我要同你講得咁清楚
應該話
有時d野需要知道得咁清楚??

其實我係想整好隻feel
但我怕時間唔夠 畫唔出果隻feel
我需要試好幾次先有效果

但依家冇


冇時間
冇故事
冇feel

我仲有d可以同人撐??!!有自信可以同人拗??!!

合理的批評我接受

但我好憎果種冇資格批評人既矛里廢話連篇咁對我份作品指指點點




依家已經唔驚做唔晒(合指一算我係應該做得晒)
只係怕做得唔好
我會寧願為quality而放棄quantity


啊!!! 總之我唔鍾意當著咁多人面前解釋呢樣果樣啦!!

但我知道 如果要繼續行落去
呢點需要克服

工作日誌01

基本上想發洩時我都會報告一下工作進度

makingof02.jpg

今天內要完成已經不太可能
希望明天可以把這個最多格的scene ko (總共120格, 計返12fps, 播足10秒)

線稿和色早在復活節假時已完成
現在要逐格上shadow!

就算未完成, 也不要給人一種難看的感覺
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR