FC2ブログ

嗚呀媳婦既非死不可唔見左!!!

如題
今日係第3日喇...幾時先整返好呀>口<
冇得睇佢更新 冇左好多上面書既樂趣
消失前佢仲同一句野分左幾次更新
就係話自己又去拔智慧牙
(仲要用「私」自稱,你到底有幾鍾意用女性用語???定還是男仔都用得? 我唔知啦)
之後一如以往上載裸照

因為係公司唔方便睇
諗住返屋企慢慢欣賞
結果返到屋企佢既非死不可就消失左喇!!!

莫非因為太多裸照俾面書封殺?!

不過主要原因相信係因為佢係科技白痴
暑假開始停用佢以前既blog
就係我係日本果時, 佢就開左面書喇
仲好興奮咁打左篇會努力研究點用面書既note出黎
的確 面書好岩佢呢d一句起兩句既人
時不時upload無聊生活照 (雖然話佢成日上載裸照, 不過都係講下姐...風景相同食物、寵物照一大堆)

乜野都好
小小既生活碎事都會同飯分享
天氣一轉凍 就會即刻叫飯著多d衫
仲有前排疑似牛郎既指名event既事
雖然真係好小好小冇乜大不了
但係對一班飯黎講 呢d小小既事都好不得了!

依家冇左幾日

冇得吐糟佢
又冇得暗暗讚賞佢既溫柔

你到底手殘到去地步??!!點解會delete左非死不可??!!

--------------

回到工作
呢個星期有少少怨言
不過我都有錯在先 怨不得
依家啖氣消左 都冇乜野
個客一日未俾comment我 我都仲未開始要忙
星期一真係趕到剩返半條人命
感覺到心臟劇跳
連去廁所都冇時間去
同埋因為某個step做錯左
呢2日(包括聽日)我都要補鑊返
スポンサーサイト



眼睛

我希望只係自己大驚小怪
睇到一條條絲已經係好多年既事
我一直覺得係小事

直到最近睇到點
覺得唔係好妥

而老細又有眼疾
佢講得都岩
有近視既人定期驗下眼好重要

於是
拎左醫生紙
聽日準備去眼科醫院排期

希望只係小事...
我唔想有大件事
雖然身邊好多近視朋友都有睇到點既情況

今日同事話係度好少見到人幫客整封面整得咁用心XDD
其實呢D野先係我最想做...:P
做到自己覺得靚既野
又得到人既讚賞
係一件快樂事

早我1個月入職既同事今日俾上司捉入房傾試用問題
嘩, 傾左好耐呀
其實佢應該冇大問題既我覺得
又勤力, 又有禮貌肯用心學

唔似我呢D成日想蛇得就蛇既人:P
不過一忙起上黎我都覺得自己超越人體極限
都唔知係咪因為咁做到對眼有問題(得就:P)

其實只要唔好咁集中去望白色野/發火既野
就會睇唔到點

ANYWAY
睇到點本身已經係異常情況
都係驗下眼安全D

嬲嬲地

人地同你講野
就算熟都好
係咪應該除一除耳筒
聽人講野呢

然後
見到佢執完張相之後排返d字...
好唔得囉
就算係冇可以做都好
字型果d...唔通冇諗過要執???
真係寧願我黎做...但手頭上太多野做


其實...真係越諗越唔得
有d後悔就咁就腥左俾個客......

另外
我覺得
當你自己未去到某個level
其實係冇資格去批評比你level高既人
善意的討論我覺得冇問題
但唔係下下都針住人睇唔起人咁
(ps: 我唔係講緊自己呀...被批評既人唔係我)

另外
我做野本身都唔算整齊
但起碼都叫條理分明
知道發生緊事

突然俾佢話我做野習慣好奇怪

即係咁
我唔想俾一個file亂到其他人唔識睇既人話= =


呢個人
今日踩中好多我既底線
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR