FC2ブログ

機票已買

經過多番考慮
朋友也說可以幫我把演唱會門票速遞回香港
那我就買了直飛東京的機票

本來是想到大阪把所有東西都安置好, 再乘夜行巴士上京
可是比較以後
覺得桃子沒想像中便宜
可能是我出發的日子是櫻花盛開的季節吧
而且在網上看過其他人也說
桃子的機倉有點擠
喝水吃餐也得再付費
這也不算

飛行時間是在凌晨
到達時是早上5點多
然後我就要一直待到晚上再乘巴士上京

我承認自己上了年紀
實在不能連續2天這樣瘋狂下去

然後又剛好給我看到delta直飛東京也才2千多
就立即買下來喇XDDD

由於提早了一天到橫濱, 所以也得上jalan改時間
可是我是要多訂一天的關係
要另外再下單
不過之前訂的幫我儲了1000point
這次下訂可以把那1000point當1000yen使用
有種賺到了的感覺, 好爽!!!XDDD

可是住屋還未安定下來.....
今晚再努力!
スポンサーサイト



我行我素...

話說大學分別有2個同學會係4月6, 7結婚
咁岩我4月5日就離開了
無緣飲佢地果餐喜酒

閒談之際
會發現大家既價值觀其實可以好唔一樣

因為太多現實問題需要考慮, 所以會想追求安穩生活
大家會覺得我係理想派, 我行我素型

其實我都好認真考慮現實問題
只不過, 比起過安穩生活, 自己太貪心好多野想做姐
如果依家唔做, 等幾時先? 我係咁諗啦

真係唔太想每日返工放工咁就一世
至少做返D自己死時都唔會後悔既事

事前準備2

請左2日大假, 連放9日, 梗係唔可以浪費時間啦。
今日銀行同其他機構都開工大吉了, 亦係時候對我既2013留日大計做下準備

1. 稅:
之前朋友提過我, 記得走前要通知稅局, 否則佢會照計落去, 或者當你逃稅
其實我本身係未有資格交到稅住XDDD 我估就算我唔理, 都應該冇咩大問題
但安全起見, 都係打電話問問先
結果, 點都要我老細俾張form我, 然後我拎copy過去俾佢主任睇先得
記住, 要離港前1個月搞
依家, 唯有等下星期返工時先再搞了

2. 行李箱
其實下面其中一個轆爆左好耐XDDD
要拎去整:P 雖然保單唔見晒, 不過都係$50樓下姐
但係師傅都放緊大假, 年初九先開工, 呀...可能搵我弟幫我拎過去整啦
有29", 上機只俾拎20KG, 又或者就算佢去盡俾30KG我, 我都帶唔到過去
又冇理由再花錢冇個新, 用返呢個就岩喇
我媽仲叫我帶埋個細既過去, 20"左右XDDD||||

3. 海外提款
經WH既好心人提醒, 要去activate左張卡先可以係海外ATM到
而換左新晶片既卡(有「銀聯」LOGO), 手續費比有「PLUS」既更平
由於成日俾ATM食卡既關係, 好SURE自己張卡係有新晶片的XDDD|||(不過我都有問返銀行職員:P)
我果張係中銀卡, 係出面部ATM機啟用返「海外提款」就OK了:D

4. 網上PPS
信用卡我一向都係用電話PPS俾錢既
但係海外冇理由打電話架嘛, 所以就開返個網上PPS
其實呢樣野應該一開始做, 不過我份人古老, 唔信網上野XDDD|||
依家冇得唔咁做了....


5. 住屋
個人搵屋要求如下:
-有窗口(否則會好似坐監咁)
-有專人清潔(認真我十萬個介意係水渠位幫人執打晒蛇餅既頭髮上黎, 同呢個世界太多我未見識到既核突人)
-要有便利店或平價超市係附近(得閒行下都幾開心, 太夜返屋企都唔怕)
-西成區以外
-平

QUIT!!!

早上, 終於遞左信!

「我做到3月中就唔做喇」
「點解?」
「因為我要去日本。」
「哦...咁呀, 好喇...」

完結對話XDDD

本身仲以為會又講呢樣果樣
結果可能我想多了?
又或者係多嘴既人唔係度?
ANYWAY
咁樣無事終了是最好的

本身好想講我會盡力完成埋手頭上既工作
但諗諗下...唔係喎, 有單好杰既野, 個客係度拖, 真係分分鐘有幾做足一年都未完到件事= =|||
就吞返落肚喇

遞完超爽!!
好似放低左個大石頭咁
唔洗再扮野
唔洗扮到好似會自我改進咁
老實講, 我真係當佢係份工咁打
工作內容唔係100%都喜歡
你叫我點用工餘時間去學D自己都冇興趣既野??
當條粉腸話我好似冇咩興趣, 叫我考慮下轉工時
我不知幾想答佢YES
不過...時機未到, 我忍!! 鬼叫我窮!

我擺到明唔係一個重TECHNIQUE既人啦
根本唔係佢地想要既人
繼續留係度真係晒大家GAS
我又衰既, 想走唔一早走, 搞到依家面左左了= =
但一切都只為求盡快草到錢去日本一年!

有種忍辱負重既感覺
尤其對住一個搞婚外情既人渣
由知道到依家都快1年
真係忍得好辛苦
點解有D人咁大個, 仲係咁不負責, 同光明正大係公司搞D咁既野??!
唔知醜! 嘔心!!

放完新年假後仲有1個月, 希望一切順利
我已經盡左最大努力去戴上自己既假面具, 唔想令大家難做

憤怒到極點

PK叫我早點返去prepare星期五交俾客既demo
ok, 我既職責我明白

好, 點知做到1點幾, 先知原來個客有點小要求, 其實冇話要跟, 但佢地班人就好想跟足人地要求咁做
結果, 我用左1日半做既野都唔洗要= =##
要1點開始重新做過d野, deadline係星期五呀, 但2月7日係星期四!!!

佢地仲要叫我用罐頭野做

其實我好憎用罐頭野...

又要quality又要同時間玩遊戲
做人唔可以咁貪心...
但呢班人係唔會明

我都唔係好明白, 做咩唔請埋星期四?? 做人做咩咁有責任心??
做左年幾, 獎金冇, 花紅冇, 雙糧係發夢
如果唔係之前走太多人, 佢地都唔會加我人工
俾得最多我既就係說話, 成日玩照肺

轉個頭又話我態度唔好=w=

聽到佢話要重做果刻
成個人都頹廢晒
我唔係咁相信自己真係做得到俾佢班pk囉

好想即時遞信
但就算遞左信, 又要俾佢地訓話, 工作依然要做, 我唔想浪費時間
忍住!
而且, 唔想令件事變成好似係我做唔黎所以先遞信咁...
忍住!

最後係chur到爆既情況下
終於ko左!!
沒有大OT...!

果一刻, 我心裡狠下決定...過年前唔遞唔得!

呢個生日認真過得不得了

不過貼心既同事還是有幫我PREPARE到蛋糕
感謝佢地>__<
2條PK走左最好, 我都唔想對住佢地2個笑

VISA--GET!!

本身打算在生日當天去拿
結果敵不過責任心
提早一天去拿吧

原來有拿簽證的日期蓋在VISA上
哎呀...差一天, 有點可惜:P

之前已經聽聞過拿簽證這一關會有些小挑戰
自己早已買了一份環球保險, 不想特地為工作假期再多買一份, 而且打算落地去再圓國民保險
所以決定先試一試, 不行的話再隨意買份旅遊保就算

小心翼翼翻閱保險文件
生怕看漏一字一句XDD
都問過保險經紀 確定了受保地區包括日本
特地把「日本」兩隻小字HIGHLIGHT

可惜去到櫃檯小姐依然有質問我
「包唔包睇醫生?」
「有效期幾耐?」
咁其實係一份醫療保險, 又點會唔包睇醫生呢??
(不過一般傷風感冒係唔包就真既XDD|||)

還好, 等左一陣, 簽證順利到手

另外, 有些小趣事發生...

1. 搭地鐵過中環時, 有一大陸女子撞開我, 自己獨霸扶手做「柱女」...仲要周身郁, 係咁撞到我, 好憎呢種唔顧其他人既大陸客...= =|||

2. 離開領事館, 搭電梯時, 有對男子講極都未停, 停住個電梯係咁傾, 我不禁望一望旁邊既保安叔叔, 佢都對我苦笑XDDDD

3. 幫媽媽入支票
不幸地2部支票機前都有1個瘋狂入幾十張支票既婦人係度...旁邊既哥哥仔見我好似好著急咁, 但又幫唔到我XDD|||

之後, 過銅鑼灣幫我媽買家居用品
然後回家食譚仔, 大掃除

悠閒的一天
検索フォーム
RSSリンクの表示
リンク
ブロとも申請フォーム

この人とブロともになる

QRコード
QR